Operacioni "Burimi i Paqes", 673 terroristë të neutralizuar në veri të Sirisë
"Numri total i terroristëve të neutralizuar të PKK/YPG-së gjatë operacionit 'Burimi i Paqes' i cili po vazhdon në lindje të Eufratit, ka arritur në 673", njoftoi Ministria turke e Mbrojtjes
Ankara
Gjithsej 673 terroristë janë neutralizuar që nga fillimi i operacionit "Burimi i Paqes" në veri të Sirisë, njoftoi Ministria turke e Mbrojtjes, transmeton Anadolu Agency (AA).
"Numri total i terroristëve të neutralizuar të PKK/YPG-së gjatë operacionit 'Burimi i Paqes' i cili po vazhdon në lindje të Eufratit, ka arritur në 673", njoftoi ministria në rrjetin social Twitter.
Më 9 tetor, Turqia nisi operacionin "Burimi i Paqes" në lindje të lumit Eufrat në veri të Sirisë për të siguruar kufijtë e saj duke eliminuar elementet terroriste dhe për të garantuar kthimin e sigurtë të refugjatëve sirianë dhe integritetin territorial të Sirisë.
Ankaraja synon ta pastrojë rajonin në lindje të lumit Eufrat nga terroristët e PKK-së dhe dega e saj siriane, PYD/YPG.
Në fushatën e saj terroriste më shumë se 30-vjeçare kundër Turqisë, PKK, e listuar si organizatë terroriste nga Turqia, SHBA dhe Bashkimi Evropian, është përgjegjëse për vdekjen e rreth 40 mijë njerëzve, përfshirë shumë gra dhe fëmijë.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.