Turqia, Koronavirusi
Ministri i Brendshëm turk, Soylu, rezulton pozitiv në COVID-19
Soylu tha se trajtimi i tyre, i cili deri dje është kryer në shtëpi, aktualisht po vazhdon në spital me rekomandim të mjekëve
Zafer Çakmak |
31.10.2020 - Përdıtësım : 01.11.2020
Ankara
Ministri i Brendshëm i Turqisë, Süleyman Soylu, njoftoi se së bashku me bashkëshorten dhe vajzën kanë rezultuar pozitivë në testin për koronavirusin e ri (COVID-19), transmeton Anadolu Agency (AA).
Në një deklaratë në Twitter, Soylu tha se trajtimi i tyre, i cili deri dje është kryer në shtëpi, aktualisht po vazhdon në spital me rekomandim të mjekëve.
Ai theksoi se gjendja e tyre shëndetësore është e mirë.
“Testi që e bëmë përsëri pasi nuk ndiheshim mirë doli pozitiv për gruan time, vajzën dhe mua. Trajtimi që vazhduam në shtëpi deri dje u transferua në ambientet e spitalit me këshillën e mjekëve tanë. Falënderues që tani jemi pak më mirë. Uroj mëshirë nga Zoti i Madhërishëm për bashkëqytetarët tanë të Izmirit që humbën jetën”, shkroi Soylu.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
