Maqedonia e Veriut gjatë 24 orëve të fundit ka raportuar 247 raste të reja dhe 15 viktima nga koronavirusi i ri (COVID-19), transmeton Anadolu Agency (AA).

Sipas të dhënave nga Ministria e Shëndetësisë, numri i përgjithshëm i rasteve të konfirmuara me COVID-19 në vend është rritur në 27.199, ndërsa numri i viktimave në 934.

Gjatë 24 orëve të fundit janë shëruar 321 pacientë të tjerë, duke e çuar në 18.948 numrin e përgjithshëm të pacientëve të shëruar nga virusi.

Që nga shpërthimi i pandemisë, Maqedonia e Veriut ka kryer gjithsej 235.775 teste të dyshuara për COVID-19, përfshirë 737 teste të kryera gjatë ditës së fundit.