Maqedoni e Veriut, 186 raste dhe 7 të vdekur nga COVID-19
Numri i përgjithshëm i viktimave të shkaktuara nga COVID-19 është rritur në 675 ndërsa i rasteve në 16.274
Shkup
Në Maqedoninë e Veriut gjatë 24 orëve të fundit janë regjistruar 186 raste të reja me koronavirusin e ri (COVID-19), duke e çuar numrin e përgjithshëm të rasteve me këtë virus në vend në 16.274, transmeton Anadolu Agency (AA).
Ministria e Shëndetësisë bëri të ditur se 7 persona kanë humbur jetën në 24 orët e fundit, me çka numri i përgjithshëm i viktimave të shkaktuara nga ky virus u rrit në 675.
Sot, Instituti i Shëndetit Publik regjistroi 85 pacientë të shëruar nga COVID-19, me çka numri i përgjithshëm i pacientëve të shëruar nga ky virus në vend arrin në 13.635 ndërsa aktualisht numri i rasteve aktive me koronavirus është 1.964.
Ministria e Shëndetësisë informon se në 24 orët e fundit janë kryer 1.674 teste për COVID-19 ndërsa deri më tani janë kryer gjithsej 171.155 teste.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
