Sport, Koronavirusi

Formula 1, gara në Azerbajxhan shtyhet për shkak të COVID-19

Çmimi i Madh në Azerbajxhan është gara e tetë këtë vit që u shty ose u pezullua në Formula 1 për shkak të përhapjes të koronavirusit

Muhammed Enes Çallı   | 23.03.2020
Formula 1, gara në Azerbajxhan shtyhet për shkak të COVID-19

Ankara

Formula 1 të hënën konfirmoi shtyrjen e garës për Çmimin e Madh të Azerbajxhanit pasi koronavirusi vazhdon të përhapet në gjithë botën, transmeton Anadolu Agency (AA).

“Çmimi i Madh në Azerbajxhan u bë gara e fundit e sezonit 2020 që do të shtyhet, njoftuan organizatorët'', tha Formula 1 në një deklaratë në faqen e saj të internetit.

"Zyrtarët nga Pista e Bakus thanë të hënën se 'Shtyrja erdhi pas dakordimit të diskutimeve të gjata me Formula 1, me FIA-n (Federata Ndërkombëtare Automobilistike) dhe Qeverinë e Republikës së Azerbajxhanit'", theksohet më tej.

Pas Australisë, Bahreinit, Vietnamit, Kinës, Holandës, Spanjës dhe Monakos, gara për Çmimin e Madh të Azerbajxhanit u bë gara e tetë e vitit 2020 që do të shtyhet ose anulohet për shkak të shqetësimeve për shpërthimin e koronavirusit.

Virusi, i cili për herë të parë u shfaq në Wuhan të Kinës dhjetorin e kaluar, është përhapur në të paktën 167 vende dhe rajone në të gjithë globin,

Sipas të dhënave të përpiluara nga Universiteti Johns Hopkins me bazë në SHBA, numri global i të vdekurve aktualisht është mbi 15.300, ndërsa ai i rasteve të konfirmuara mbi 350.000.

Në përgjithësi, mbi 100.000 njerëz të diagnostikuar me COVID-19 janë shëruar nga sëmundja.

Italia, Kina, Spanja dhe Irani vazhdojnë të jenë vendet më të prekura.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın