Britania heq masën e karantinës për qytetarët e Turqisë, Kroacisë dhe Serbisë
Udhëtarët që vijnë në Mbretërinë e Bashkuar nga këto 56 vende nuk do të duhet të qëndrojnë në karantinë, përveç nëse ata kanë vizituar një vend që nuk është në këtë listë
Londër
Autoritetet britanike kanë hequr masën e karantinës 14-ditore për qytetarët e gjithsej 56 vendeve, transmeton Anadolu Agency (AA).
Ministria britanike e Transportit njoftoi se masa e karantinës për qytetarët që hyjnë në Mbretërinë e Bashkuar nga 56 vende do të shfuqizohet.
Udhëtarët që vijnë në Mbretërinë e Bashkuar nga këto 56 vende nuk do të duhet të qëndrojnë në karantinë, përveç nëse ata kanë vizituar një vend që nuk është në këtë listë.
Lista e vendeve përfshin Gjermaninë, Zelandën e Re, Italinë, Spanjën, Japoninë, Danimarkën, Turqinë dhe Francën, si dhe Kroacinë dhe Serbinë nga rajoni i Ballkanit.
Lista nuk përfshin SHBA-të, Meksikën apo Brazilin, ku pandemia e virusit është zgjeruar ndjeshëm.
Në Mbretërinë e Bashkuar, masa e karantinës 14-ditore për qytetarët që vijnë nga jashtë ka filluar të zbatohet që nga 8 qershori.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.