Ministri turk, Elvan: Prioriteti ynë kryesor në 2021 është arritja e stabilitetit të çmimeve
"Prioriteti kryesor në vitin 2021 është arritja e stabilitetit të çmimeve", tha ministri i Thesarit dhe Financave, Elvan
Ankara
Ministri i Thesarit dhe Financave të Turqisë, Lütfi Elvan tha se Turqia është një ndër vendet e rralla që ka përmbyllur me rritje vitin 2020, të ndikuar nga kriza globale shëndetësore, transmeton Anadolu Agency (AA).
Elvan, nëpërmjet llogarisë së tij në Twitter, vlerësoi shifrat e ekonomisë për vitin 2020, të publikuar nga Instituti Turk i Statistikave (TurkStat).
Ai tha se vendi i tij është një ndër vendet e rralla që ka përmbyllur me rritje vitin 2020, vit i vulosur nga kriza globale e shëndetësisë.
"Prioriteti kryesor në vitin 2021 është arritja e stabilitetit të çmimeve", tha Elvan duke shtuar se: "Politikat tona për të luftuar inflacionin do të hapin rrugën e një investimi, prodhimi dhe rrugën e rritjes më cilësore dhe të qëndrueshme".