Turqia, Ekonomi

Kapadokia do të kontribuojë në ekonominë e vendit me prodhimin e balonave me ajër

Erdil tha se në të kaluarën mirëmbajtja dhe riparimi i balonave me ajër të nxehtë bëhej nga kompani të kontraktuara jashtë vendit dhe kjo situatë, që sipas tij shkaktoi kosto serioze, u ul në minimum falë qendrave që funksionojnë në rajon

Behçet Alkan   | 31.07.2021
Kapadokia do të kontribuojë në ekonominë e vendit me prodhimin e balonave me ajër Foto: Behçet Alkan / AA

Nevşehir

Me balonat e ajrit të nxehtë të prodhuara në Kapadokia, një nga rajonet e rëndësishme turistike të Turqisë, synohet të parandalohen importet në këtë sektor dhe të kontribuohet në valutë të huaj për ekonominë e vendit nëpërmjet shitjeve jashtë vendit, raporton Anadolu Agency (AA).

Prodhimi dhe mirëmbajtja e balonave të kompanisë 'Cappadocia Inc.' u hap muajin e kaluar në Kapadokia të Turqisë dhe ajo jep një kontribut të rëndësishëm në ekonominë e vendit dhe në turizëm.

Kompania, e cila u vu në shërbim në qytetin Ürgüp, gjithashtu filloi prodhimin e pjesëve dhe balonave brenda fushës së autorizimit të marrë nga Drejtoria e Përgjithshme e Aviacionit Civil.

Kryetari i bordit të drejtorëve të kompanisë, Murat Çoban, i cili kujdeset për mirëmbajtjen dhe riparimet e nevojshme që balonat të fluturojnë në mënyrë të sigurt, për AA tha se është emocionuese dhe nder që të vijnë në fazën e prodhimit në industrinë që ai hyri si pilot i balonave në vitin 1996.

Çoban shpjegoi se balonat që ofrojnë shërbime turistike kanë një jetëgjatësi 5-vjeçare dhe se ato duhet të riparohen tri herë në vit.

"Ka rreth 400 balona në vendin tonë. Afërsisht 200 balona fluturojnë çdo ditë në Kapadokia. Përveç kësaj, zona të reja fluturimi u hapën edhe në Pamukkale, Soğanlı, Mardin, Eskişehir. Çdo balonë kushton mesatarisht 100 mijë euro. Qëllimi ynë është të parandalojmë çmimin vjetor të blerjes prej 6 milion euro dhe 1-2 milion euro që paguajmë për mirëmbajtje dhe për pjesën e këmbimit nga dalja jashtë vendit, si dhe të kontribuojmë në ekonomi duke eksportuar balona", tha Çoban.

Menaxheri i kompanisë, Ahmet Erdil, nga ana e tij, tha se në të kaluarën mirëmbajtja dhe riparimi i balonave me ajër të nxehtë bëhej nga kompani të kontraktuara jashtë vendit dhe kjo situatë, që sipas tij shkaktoi kosto serioze, u ul në minimum falë qendrave që funksionojnë në rajon.

Duke theksuar se kompanitë që ofruan shërbime të mirëmbajtjes dhe riparimit në vitet e mëparshme morën hapa në prodhimin e balonave me ajër të nxehtë në dritën e përvojës së tyre të fituar gjatë viteve, Erdil tha se ata gjithashtu kontribuan në punësime.

Erdil tha se gjatë pandemisë së koronavirusit të ri (COVID-19), ata rritën numrin e personelit me 100 për qind dhe i ofruan shërbim sektorit me 70 punonjës.

"Ne duam të shohim balonat turke të fluturojnë në pjesë të ndryshme të botës"

Ai theksoi se qëllimi i tyre afatmesëm është shitja e balonave jashtë vendit pas plotësimit të nevojave lokale.

"Kapadokia është vendi ku bëhen fluturimet më intensive të balonave në botë për shkak të bukurive të saj natyrore dhe përshtatshmërisë së kushteve të motit. Balonat duhet të mirëmbahen vazhdimisht. Përveç kësaj, mund të ndodhin mosfunksionime të ndryshme. Mosfunksionimet që mund të ndodhin në kupolën, shportën ose sistemin e ndezjes riparohen nga kompania jonë. Në të kaluarën, nëpunësit e prodhuesve jashtë vendit vinin në Turqi për të bërë këto mirëmbajtje ose balonat duhej të shkonin atje. Kjo shkaktoi një humbje serioze të kohës dhe parave. Ne jemi krenarë që e parandalojmë këtë, ne i riparojmë balonat për një kohë të shkurtër dhe i bëjmë ata të fluturojnë përsëri pas riparimit. Me rreth 6 vjet përvojë, ne shkuam një hap më tej me prodhimin e balonave me ajër të nxehtë. Së pari prodhuam pjesët rezervë, pastaj projektuam balonin dhe më pas kaluam në fazën e prodhimit. Ne duam të shohim balonat turke të fluturojnë në pjesë të ndryshme të botës", tha Erdil.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın