Ekonomi

Banka Qendrore e Norvegjisë do të testojë teknologjinë e monedhës dixhitale

Kreu i Bankës Qendrore të Norvegjisë, Oeystein Olsen tha se monedha dixhitale mund të mundësojë një sërë karakteristikash në pagesa

Bahattin Gönültaş  | 22.04.2021 - Përdıtësım : 23.04.2021
Banka Qendrore e Norvegjisë do të testojë teknologjinë e monedhës dixhitale

Berlin

Banka Qendrore e Norvegjisë njoftoi se do të testojë zgjidhje teknike për monedhën dixhitale (CBDC), transmeton Anadolu Agency (AA).

Në njoftimin e bankës thuhet se pas një hulumtimi katër vjeçar, Banka Qendrore e Norvegjisë në dy vitet e ardhshme do të testojë zgjidhje të ndryshme teknike për CBDC.

Kreu i Bankës Qendrore të Norvegjisë, Oeystein Olsen tha se monedha dixhitale mund të mundësojë një sërë karakteristikash në pagesa. "Për të vendosur vallë nëse është e përshtatshme të krijojmë monedhë dixhitale na duhen informacione shtesë", theksoi ai.

Shumë banka qendrore në mbarë botën janë në hulumtim nëse vallë duhet të lëshojnë në treg versionet dixhitale të monedhave kombëtare ndërsa sipas Bankës për Zgjidhjet Ndërkombëtare (BIS), në botë të paktën 52 vende janë duke bërë punime në këtë drejtim.

Ekspertët theksojnë se Kina është përpara vendeve të tjera për krijimin e monedhave dixhitale.

Banka Qendrore Evropiane në mes të këtij viti pritet të vendosë nëse do të fillojnë projekt zyrtar për euron dixhitale.

Ndërkohë, Bahamet, ishte banka e parë qendrore që kishte prezantuar monedhën dixhitale në vitin 2020, monedhën "Sand Dollar".

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.