Ekonomi

Banka Evropiane siguroi 5 miliardë euro për Afrikën në vitin 2020

Banka Evropiane e Investimeve tha se financimi do të shkojë për energjinë e gjelbër, ujin e pastër, rritjen e sektorit privat dhe rezistencës ndaj COVID-19

Tuba Şahin   | 23.04.2021
Banka Evropiane siguroi 5 miliardë euro për Afrikën në vitin 2020

Ankara

Banka Evropiane e Investimeve (EIB) siguroi financimin e 5 miliardë eurove për Afrikën vitin e kaluar për të lehtësuar qasjen në energjinë e gjelbër dhe ujin e pastër si dhe rritjen e sektorit privat dhe rezistencën ndaj COVID-19, njoftoi huadhënësi, transmeton Anadolu Agency (AA).

Shifra është angazhimi më i madh vjetor i EIB në kontinent dhe mbështetja më e madhe për veprimet klimatike dhe investimet në shtete të brishta, thuhet në një deklaratë nga banka.

"Financimi dhe mbështetja teknike e siguruar nga EIB në Afrikë në vitin 2020 të ndihmës financiare mbi 12 miliardë euro të investimeve të reja për të përmirësuar bujqësinë, qasjen në energjinë e rinovueshme jashtë rrjetit dhe përshpejtimin e elektrifikimit rural, strehim të përballueshëm, komunikime, qëndrueshmëri klimatike dhe sigurimin e klimës, kujdesin shëndetësor dhe qasjen e sektorit privat në financa", theksoi banka.

Shifra përfaqësoi një rritje prej 50 për qind krahasuar me një vit më parë për të forcuar investimet në shëndetin publik, për të siguruar qasje në vaksinat e sigurta, për t'u përballur me COVID-19 dhe për të rritur qëndrueshmërinë ekonomike mes pandemisë.

EIB mbështeti 58 projekte në 28 vende afrikane vitin e kaluar. Banka është institucioni huadhënës afatgjatë i Bashkimit Evropian në pronësi të shteteve anëtare të saj.



Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.