Ekonomi

Banka Botërore shpalos planin 30-miliardë-dollarësh për të trajtuar krizat globale të ushqimit

Financimi synon të inkurajojë prodhimin e ushqimit dhe plehrave, të përmirësojë sistemet ushqimore, të lehtësojë tregtinë më të madhe dhe të mbështesë familjet dhe prodhuesit e cenueshëm, tha banka

Tuba Onğun  | 18.05.2022 - Përdıtësım : 19.05.2022
Banka Botërore shpalos planin 30-miliardë-dollarësh për të trajtuar krizat globale të ushqimit

Ankara

 Banka Botërore njoftoi sot se do të shpenzojë 30 miliardë dollarë gjatë 15 muajve të ardhshëm për të trajtuar pasigurinë ushqimore globale të shkaktuar nga lufta e Rusisë kundër Ukrainës, transmeton Anadolu Agency (AA).

Financimi synon të inkurajojë prodhimin e ushqimit dhe plehrave, të përmirësojë sistemet ushqimore, të lehtësojë tregtinë më të madhe dhe të mbështesë familjet dhe prodhuesit e cenueshëm, tha banka në një deklaratë.

Duke vënë në dukje se rritja e çmimit të ushqimeve ka “efekte shkatërruese” për më të varfërit dhe më të cenuarit, Presidenti i Grupit të Bankës Botërore, David Malpass, ka thënë: “Vendet duhet të bëjnë përpjekje të përbashkëta për të rritur furnizimin me energji dhe plehra, të ndihmojnë fermerët të rrisin mbjelljet dhe rendimentet e të korrave, dhe të heqin politikat që bllokojnë eksportet dhe importet, devijojnë ushqimin drejt biokarburanteve ose inkurajojnë ruajtjen e panevojshme”.

Në deklaratë thuhet se banka po përgatit projekte të reja në vlerë 12 miliardë dollarë për 15 muajt e ardhshëm për të mbështetur bujqësinë, mbrojtjen sociale për të zbutur efektet e çmimeve më të larta të ushqimit dhe projektet e ujit dhe ujitjes, ndërsa shumica e burimeve do të shkojnë në Afrikë dhe Lindjen e Mesme, Evropën Lindore dhe Azinë Qendrore, si dhe në dhe Azinë Jugore.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın