Bota

Zelenskyy: Janë çliruar 1.015 vendbanime që ishin marrë nën kontroll nga ushtria ruse

Zelenskyy tha se ushtria ukrainase po çliron gradualisht nga ushtria ruse zonat e banuara në rajonin Kharkiv

Bahtiyar Abdülkerimov   | 14.05.2022
Zelenskyy: Janë çliruar 1.015 vendbanime që ishin marrë nën kontroll nga ushtria ruse

Kiev

Presidenti i Ukrainës, Volodymyr Zelenskyy tha se janë çliruar 1.015 vendbanime të cilat ishin marrë nën kontroll nga ushtria ruse që nga fillimi i luftës, transmeton Anadolu Agency (AA).

Në një video-mesazh të publikuar, Zelenskyy vuri në dukje se në 24 orët e fundit është siguruar kontrolli në 6 vendbanime dhe se në këtë mënyrë ka arritur në 1.015 numri i vendbanimeve që janë rimarrë sërish nga forcat ruse që nga fillimi i luftës.

Presidenti ukrainas theksoi se në këto vendbanime ka filluar sërish furnizimi me energji elektrike, ujë, komunikim, transport dhe shërbimet sociale.

Zelenskyy tha se ushtria ukrainase po çliron gradualisht nga ushtria ruse zonat e banuara në rajonin Kharkiv. "Sigurisht që përkujtojmë çdo qytet të pushtuar Kherson, Melitopol, Berdyansk, Energodar, Mariupol dhe të gjitha qytetet e Donbasit. Çlirimi gradual i rajonit Kharkiv është dëshmi se nuk do t'i lëmë askënd armikut", tha ai.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın