Sinan Doğan
25 Qershor 2021•Përditësim: 25 Qershor 2021
Në Venezuelë arriti dërgesa e dozës së parë të vaksinës së quajtur "Abdala" e zhvilluar nga Kuba kundër koronavirusit të ri (COVID-19), transmeton Anadolu Agency (AA).
Nënpresidenti i Venezuelës, Delcy Rodriguez në një deklaratë tha se dërgesa e parë e vaksinës 'Abdala' ka mbërritur në vend si pjesë e marrëveshjes së tyre me Kubën.
"Është një vaksinë e jashtëzakonshme me një nga aktivitetet më të mira në botë. Sot, Kuba jep mësime etike, morale, shkencore dhe teknologjike me kandidatë për vaksina. Nuk ka asnjë bllokadë që mund të del kundër vullnetit të popujve", tha Rodriguez.
Ai falënderoi presidentin kuban, Miguel Diaz-Canel për mbështetjen e tij në dërgimin e vaksinës në vend, duke argumentuar se vaksina 'Abdala' tregoi një efektivitet prej mbi 92 për qind.
Në postimin e Qendrës Kineze të Inxhinierisë Gjenetike dhe Bioteknologjisë (CIGB) në Twitter më 22 qershor, thuhet se efektiviteti i dozës së prodhuar anti-COVID-19 ishte 92.28 për qind, "Kuba ka 5 kandidatë për vaksina sot, Soberana 02 me 62 për qind efektivitet dhe 'Abdala' me 92.28 për qind efektivitet. Këto tashmë konsiderohen vaksina. Kuba do të jetë vendi i parë që vaksinon popullatën e saj me mjetet e veta".
- Nga vjen emri 'Abdala'?
Rëndësia e këtij emri me të cilin u emërtua vaksina vjen nga libri me poezi 'Abdala', i shkruar nga heroi dhe ikona kombëtare e Kubës, Jose Marti, duke iu referuar luftës së Kubës kundër kolonializmit.
Nga disa burime në internet, emri 'Abdala' do të thotë "Abdullah" në arabisht dhe libri me poezi i Marti gjithashtu përfshin historinë e një arabi që jeton në një vend islam duke u bashkuar me luftën për pavarësi.
