Bota

Uraniumi i varfëruar ka shkaktuar defekte të lindjes tek foshnjat në Irak

Sipas një studimi, uraniumi i varfëruar që ushtria amerikane ka përdorur ose depozituar në Irak ka shkaktuar defekte serioze të lindjes tek foshnjat në Irak

Ayşe Doğru   | 22.09.2019
Uraniumi i varfëruar ka shkaktuar defekte të lindjes tek foshnjat në Irak

Ankara

Një studim i zhvilluar në SHBA zbulon se uraniumi i varfëruar që ushtria amerikane ka përdorur ose depozituar në Irak ka shkaktuar defekte serioze të lindjes tek fëmijët që kanë lindur në periudhat e mëpasshme, transmeton Anadolu Agency (AA).

Sipas një artikulli në faqen e internetit të revistës "Foreing Policy", ushtria amerikane pas vitit 2003 ka ndërtuar të paktën 500 baza në afërsi të shumë qyteteve në Irak.

Këto qytete nuk ishin vetëm shënjestra e armëve amerikane, por në të njëjtën kohë ato pësuan edhe dëme mjedisore nga armët radioaktive, uraniumi i varfëruar të depozituar në bazat amerikane apo tanket dhe kamionët e braktisur si dhe gropat e djegies në ajër të hapura për asgjësim.

Gropat e djegies në ajër të hapur për asgjësim në bazën ushtarake ajore Tallil në rajonin Nasirije, që prej vitit 2003 e deri më tani kanë ndotur ajrin, tokën dhe bimësinë.

Një studim i zhvilluar mbi foshnjat që kanë lindur gjatë periudhës gusht-shtator 2016 në qytetin Nasirije tregoi një lidhje pozitive mes nivelit të toriumit dhe uraniumit të varfëruar të gjetur tek flokët e fëmijëve dhe pranisë së defekteve gjatë lindjes. Theksohet se Toriumi është një produkt kalbës i uraniumit të varfëruar.

Tek fëmijët janë vërejtur më shumë defektet si anencefalinë (çrregullimi i kafkës), anomalitë e gjymtyrëve të poshtme, hidrocefali (akumulimi i ujit në tru), spina bifida dhe anomali të tjera.

Në artikull bëhet e ditur se gjetja e këtyre rezultateve kryesisht pranë bazës ajrore Tallil është lidhur me faktin se vetëm këtu janë kryer studime ndërsa thuhet se edhe punimet e tjera që do të bëhen në bazat e tjera do të zbulojnë rezultate të ngjashme.

Më tej thuhet se përdorimi i armëve me përmbajtje të "uraniumit të varfëruar" është vetëm një pjesë e vogël e dëmit që i ka shkaktuar lufta Irakut, popullit dhe natyrës së tij.

Artikulli shkencor i studimit do të botohet në revistën Environmental Pollution në ditët e ardhshme.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın