Sulm terrorist në veri të Sirisë, 18 civilë të vrarë
Sulmi është kryer në Al-Bab, qytet tashmë i kontrolluar nga opozita ushtarake në të cilin Turqia kishte realizuar operacionin "Mburoja e Eufratit"
( Mustafa Bathiş - Anadolu Agency )
Al-Bab
Të paktën 18 civilë janë vrarë nga një sulm terrorist me autobombë në qytetin Al-Bab në veri të Sirisë, raporton Anadolu Agency (AA).
Sulmi është kryer përmes një automjeti të ngarkuar me eksplozivë në stacionin e autobusëve në Al-Bab, qytet tashmë i kontrolluar nga opozita ushtarake në të cilin Turqia kishte realizuar operacionin "Mburoja e Eufratit".
Sulmi po ashtu ka shkaktuar 27 civilë të plagosur, ndërsa thuhet se numri i viktimave mund të rritet.
Shumë automjete janë djegur si pasojë e shpërthimit, kurse dëme të mëdha kanë pësuar edhe ndërtesat përreth.
Në vendin e ngjarjes janë dërguar ekipet e Mbrojtjes Civile, të cilët bënë përpjekje për të shuar zjarrin që ka shpërthyer.
Ndryshe, organizata terroriste YPG/PKK, e cila është larguar nga rajoni i Afrinit pas operacionit antiterrorist turk "Dega e Ullirit", vazhdon të mbajë nën okupim rajonin Tel Rifat në veriperëndim të qytetit Al-Bab dhe shpesh sulmon vendbanimet e kontrolluara nga Ushtria Kombëtare Siriane.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
