Bota

Stoltenberg: Përpjekjet e BE-së nuk duhet të konkurrojnë me NATO-n

“Unë kam qenë po aq i qartë për faktin se përpjekjet e BE-së nuk duhet të konkurrojnë me NATO-n, sepse NATO mbetet thelbi i sigurisë evropiane”, tha Stoltenberg

Jeyhun Aliyev  | 20.11.2018 - Përdıtësım : 21.11.2018
Stoltenberg: Përpjekjet e BE-së nuk duhet të konkurrojnë me NATO-n

Ankara

ANKARA (AA) - Sekretari i Përgjithshëm i Aleancës së NATO-s, Jens Stoltenberg, ka deklaruar se përpjekjet e Bashkimit Evropian (BE) mbi mbrojtjen nuk duhet të konkurrojnë me NATO-n, raporton Anadolu Agency (AA).

“Unë kam qenë po aq i qartë për faktin se përpjekjet e BE-së nuk duhet të konkurrojnë me NATO-n, sepse NATO mbetet thelbi i sigurisë evropiane”, tha Stoltenberg para takimit të Këshillit të Punëve të Jashtme të BE-së.

Stoltenberg tha se rreth 80 për qind e shpenzimeve të NATO-s për mbrojtje do të fitohen nga aleatët e NATO-s jashtë BE-së pas Brexit-it. Ai përshëndeti nivelet “e paprecedentë” të bashkëpunimit midis BE-së dhe NATO-s.

“Mbrojtja më e fortë evropiane mund të kontribuojë në ndarjen më të drejtë të barrës brenda NATO-s”, theksoi Stoltenberg.

Ai tha se NATO dhe BE bashkëpunojnë në fusha kibernetike, hibride dhe detare, si dhe trajnojnë krah për krah. “Unë me të vërtetë mirëpres atë që NATO dhe BE janë në gjendje të punojnë më ngushtë së bashku se sa ndonjëherë më parë”, shtoi ai.

Stoltenberg theksoi se përpjekjet e BE-së mbi mbrojtjen mund të “kompletojnë” NATO-n, si mbështetje për të zhvilluar “aftësitë e reja të NATO-s” dhe “adresimin e fragmentimit” të tregut të mbrojtjes të BE-së.

Ai theksoi se gjeografia dhe paraja janë fakte që nuk mund të injorohen. “Norvegjia në veri dhe Turqia në jug, dhe Kanadaja, SHBA dhe Mbretëria e Bashkuar në perëndim janë të rëndësishme për sigurinë evropiane”, tha Stoltenberg.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın