SHBA njofton ndihmë shtesë prej 1.7 miliardë dollarë për sigurinë e Ukrainës

SHBA-ja njoftoi një paketë të re ndihme sigurie për Ukrainën prej rreth 1.7 miliardë dollarësh nga fondi i Iniciativës së Ndihmës për Sigurinë e Ukrainës (USAI), transmeton Anadolu.

Në një deklaratë me shkrim nga Departamenti Amerikan i Mbrojtjes (Pentagon) thuhet se ndihma shtesë e sigurisë do të plotësojë nevojat kritike të mbrojtjes së Ukrainës.

Në deklaratë theksohet se në paketën e ndihmës, Ukrainës i sigurohen aftësitë bazë, përfshirë parandaluesit e mbrojtjes ajrore, sistemet e raketave, municionet për artileri dhe armët antitank.

Këshilltari i Komunikimit për Sigurinë Kombëtare në Shtëpinë e Bardhë, John Kirby deklaroi se përveç ndihmës së sigurisë prej 1.5 miliardë dollarësh të USAI-t edhe Shtëpia e Bardhë brenda kompetencës së autoritetit presidencial vendosi të dërgojë 200 milionë dollarë ndihmë shtesë për Ukrainën.

Këto ndihma janë pjesa e 20-të e përdorur nga paketa e USAI-t dhe pjesa e 62-të e pajisjeve e siguruara nga inventari i Pentagonit që nga gushti i vitit 2021.

Iniciativa e Ndihmës për Sigurinë e Ukrainës (USAI) zhvillohet si program financimi i udhëhequr nga Pentagoni, përfshirë rreth 50 vende, me qëllim për të ofruar më shumë trajnim, pajisje dhe konsulencë për ushtrinë ukrainase kundër Rusisë.