Në SHBA është miratuar doza e tretë e vaksinës që Pfizer dhe BioNTech kanë zhvilluar kundër koronavirusit të ri (COVID-19), transmeton Anadolu Agency (AA).

Administrata Amerikane e Ushqimit dhe Barnave (FDA) njoftoi se ka miratuar dozën e tretë të vaksinës Pfizer-BioNTech për personat mbi 65-vjeç, ata që kanë sëmundje kronike dhe ata që punojnë në punë të rrezikshme.

Në njoftim rekomandohet që doza e tretë të kryhet 6 muaj pas dozës së dytë.

Presidenti i SHBA-së, Joe Biden muajin e kaluar deklaroi se kanë planifikuar kryerjen e dozës së tretë për të gjithë personat mbi 16 vjeç nëse japin miratim FDA dhe Qendra për Kontrollin dhe Parandalimin e Sëmundjeve (CDC).

Pritet që këtë javë CDC të japë vendimin e saj lidhur me dozën e tretë.