Bota

Senatori amerikan mbështet shitjen e avionëve F-16 ndaj Türkiye-s

"Mbështes vendimin e administratës së Bidenit për të mbështetur shitjen e F-16 ndaj Türkiye-s, aleatit tonë të rëndësishëm të NATO-s", tha senatori republikan, Lindsey Graham

Dildar Baykan Atalay   | 30.06.2022
Senatori amerikan mbështet shitjen e avionëve F-16 ndaj Türkiye-s

Washington DC

Senatori republikan i SHBA-së, Lindsey Graham tha se mbështet shitjen e avionëve F-16 ndaj Türkiye-s (Turqisë) dhe se Türkiye është një aleat i rëndësishëm i NATO-s pavarësisht dallimeve mes tyre, transmeton Anadolu Agency (AA).

Në një deklaratë nga llogaria e tij në Twitter, Graham tha: "Mbështes vendimin e administratës së Bidenit për të mbështetur shitjen e F-16 ndaj Türkiye-s, aleatit tonë të rëndësishëm të NATO-s".

"Pavarësisht dallimeve në mes, Türkiye është një aleat i rëndësishëm i NATO-s. Kjo situatë u shërben interesave të sigurisë kombëtare të Türkiye-s", tha Graham.

Sipas tij, "përditësimi i aftësive të aviacionit të Türkiye-s do të jetë në dobi të sigurisë së Türkiye-s, SHBA-së, NATO-s dhe asaj rajonale".

Ndihmës sekretarja e Departamentit të Mbrojtjes të SHBA-së, përgjegjëse për çështjet e sigurisë ndërkombëtare, Celeste Wallander dje në një vlerësim lidhur me kërkesën e Türkiye-s për të blerë dhe për të modernizuar avionët F-16 tha se "SHBA-ja mbështet plotësisht planet e Türkiye-s për modernizimin e flotës F-16".



Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın