Bota

Senati amerikan miraton projektligjin për konkurrencën e SHBA-së me Kinën në teknologji

Me një votim të mbajtur në Senatin e SHBA-së, projektligji u miratua me 68 vota "për" dhe 32 vota "kundër", ndërsa ai duhet të miratohet edhe në Dhomën e Përfaqësuesve përpara se të shkojë në tryezën e presidentit Joe Biden

Hakan Çopur   | 09.06.2021
Senati amerikan miraton projektligjin për konkurrencën e SHBA-së me Kinën në teknologji

Washington DC

Senati amerikan ka miratuar projektligjin gjithëpërfshirës, i cili pritet që të sigurojë kontribut të rëndësishëm në teknologjinë dhe punimet për hulumtim-zhvillimin e teknologjisë në konkurrencën e saj me Kinën, transmeton Anadolu Agency (AA).

Me një votim të mbajtur në Senatin e SHBA-së, projektligji u miratua me 68 vota "për" dhe 32 vota "kundër", ndërsa ai duhet të miratohet edhe në Dhomën e Përfaqësuesve përpara se të shkojë në tryezën e presidentit Joe Biden.

Projektligji i cili ishte në pritje prej disa javësh në senatin amerikan, u miratua edhe me mbështetjen e senatorëve republikanë dhe kjo gjë tregon një shenjë të rëndësishme lidhur me çështjen se demokratët dhe republikanët mund të bashkohen në çështjen e konkurrencës me Kinën.

I përgatitur me qëllim që SHBA-ja të sigurojë dominim në konkurrencën me Kinën në fushën e teknologjisë, projektligji parashikon një buxhet prej 190 miliard dollarë në investimet e infrastrukturës teknologjike dhe hulumtim-zhvillimit teknologjik, si dhe një buxhet 54 miliard dollarë për prodhimin e gjysmëpërçuesve.

Theksohet se 2 miliardë dollarë brenda buxhetit prej 54 miliard dollarë është ndarë për prodhimin e çipave që përdoren tek automobilat dhe për të cilat kohët e fundit janë përjetuar probleme serioze në prodhim. Paketa teknologjike në fjalë theksohet se do të hapë rrugën e investimeve në shumë fusha.

Ndërsa Biden në një deklaratë me shkrim lidhur me projektligjin e miratuar nga Senati dhe stacioni i të cilit më pas është Dhoma e Përfaqësuesve, ka shprehur se kjo është një paketë shumë e rëndësishme dhe se pret me padurim që ta nënshkruaj.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın