Rusi, arrestohet një mjeke me pretendimin se përhap informacione të rreme rreth COVID-19
Vasilyeva më 30 mars ishte thirrur në Komisionin e Hetimit, me arsyetimin se përhap informacione të rreme rreth COVID-19 nëpërmjet internetit
Moskë
Kryesuesja e Sindikatës së Unionit të Mjekëve të Rusisë, Anastasiya Vasilyeva, u arrestua me pretendimin se përhap informacione të rreme në lidhje me koronavirusin e ri (COVID-19) në vend, transmeton Anadolu Agency (AA).
Në njoftimin e bërë nga Sindikata e Unionit të Mjekëve, thuhet se Vasilyeva në rajonin Novgorod, pas një intervenimi të ashpër të policisë ka rënë në tokë dhe është alivanosur, e më pastaj është arrestuar.
Vasilyeva më 30 mars ishte thirrur në Komisionin e Hetimit, me arsyetimin se përhap informacione të rreme rreth COVID-19 nëpërmjet internetit.
Ajo kishte pretenduar se rastet me COVID-19 regjistrohen si pneumoni.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.