Izraelitët mbajtën protesta kundër kërkesës së kryeministrit Benjamin Netanyahu për falje nga presidenti Isaac Herzog në rastet e korrupsionit përpara ndërtesave të kryeministrisë dhe presidencës, transmeton Anadolu.

Siç raporton gazeta "Haaretz", izraelitët vazhduan protestat e tyre kundër Netanyahut në Kudsin Perëndimor pas kërkesës për falje. Izraelitët protestuan kundër kërkesës së Netanyahut për falje para rezidencave presidenciale dhe kryeministrisë dhe i bënë thirrje Herzogut të refuzojë kërkesën.

Në protestën e mbajtur në Kudsin Perëndimor u kërkua vazhdimi i gjyqit ndaj Netanyahut dhe që kërkesa për falje nga presidenti i SHBA-së, Donald Trump dhe kryeministri izraelit Netanyahu të mos zbatohet. Protestuesit kërkuan që gjyqet kundër Netanyahut të vazhdojnë, që autorët të nxirren para drejtësisë dhe të ngrihet një komision zyrtar hetimor për ngjarjet e 7 tetorit 2023.

Trump i dërgoi një letër homologut të tij izraelit muajin e kaluar duke i kërkuar atij të falte Netanyahun, i cili është në gjyq për korrupsion. Pavarësisht se më parë kishte deklaruar se nuk do të kërkonte falje, Netanyahu javën e kaluar i bëri thirrje presidentit Herzog për falje në çështjen në të cilën ai është në gjyq për gati gjashtë vjet.

Kërkesa e Netanyahut për falje lidhur me çështjet që ai gjykohet me akuzat për ryshfet, korrupsion dhe abuzim me pushtetin, ka përçarë politikën izraelite. Partia në pushtet bëri thirrje që kërkesa për falje të miratohet ndërsa opozita thotë se falja duhet të jetë e mundur vetëm nëse Netanyahu pranon krimet e tij dhe tërhiqet nga politika.