Bota

Presidenti indonezian: Kur'ani duhet të jetë pjesë e muslimanëve sikurse frymëmarrja

Presidenti i Indonezisë Joko Widodo ka thënë se leximi, kuptimi dhe zbatimi i Kur'anit duhet të jetë pjesë e muslimanëve njëlloj sikurse frymëmarrja

Adem Şalvarcıoğlu   | 04.05.2017
Presidenti indonezian: Kur'ani duhet të jetë pjesë e muslimanëve sikurse frymëmarrja

Xhakartë

XHAKARTË (AA) – Presidenti i Indonezisë Joko Widodo ka thënë se leximi, kuptimi dhe zbatimi i Kur'anit duhet të jetë pjesë e muslimanëve njëlloj sikurse frymëmarrja, raporton Anadolu Agency (AA).

Presidenti i Indonezisë ka marrë pjesë në garën e leximit-memorizimit të Kur'anit dhe haditheve që këtë vit u organizua për herë të tetë.

Duke mbajtur një fjalim në këtë eveniment, Widodo ka vënë theksin mbi rëndësinë e leximit të Kur'anit.

"Me këtë garë synohet që të nxiten muslimanët ta lexojnë Kur'anin. Leximi, kuptimi dhe zbatimi i Kur'anit duhet të jenë pjesë e muslimanëve njëlloj sikurse frymëmarrja", ka thënë Widodo.

Ai ka përgëzuar hafizët dhe komentuesit që kanë marrë pjesë në garë, duke shtuar se krahas leximit dhe memorizimit të Kur'anit, është e rëndësishme që ato që kemi lexuar t'i zbatojmë në jetë.

"Indonezia po bëhet shembull për tërë botën, pasi në të njerëzit jetojnë në paqe dhe është vend në të cilin takohen shumë religjione dhe kultura. Ne duhet të vazhdojmë t'i tregojmë botës se në Islam nuk ka përçarje dhe se është fe që qëndron larg dhunës", ka shtuar presidenti Widodo.

Ndryshe, në Indonezi jeton bashkësia më e madhe muslimane në botë. Nga popullsia prej 250 milionë banorësh, 87 për qind janë muslimanë, kurse 10 për qind të krishterë.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın