Të paktën 7 palestinezë janë plagosur dhe dhjetëra vuajtën nga gazi lotsjellës në Bregun Perëndimor të pushtuar teksa ushtria izraelite përdori plumba gome dhe gaz lotsjellës për të shpërndarë protestuesit.

Dëshmitarët okularë për Anadolu Agency (AA) thanë se dhjetëra palestinezë po protestonin kundër ndërtimit të vendbanimeve të paligjshme hebraike në qytetin Deir Jarir në Ramallah.

Përleshjet shpërthyen gjithashtu midis forcave të sigurisë dhe protestuesve teksa ushtria izraelite përdori dhunë për të shpërndarë protestuesit.

Dëshmitarët okularë gjithashtu thanë se ushtria izraelite gjithashtu sulmoi gazetarët që mbulonin ngjarjet.

Më 23 dhjetor, kolonët hebrenj filluan instalimin e çadrave dhe pajisjeve të ndërtimit në Jabal Al-Shorfa në qytetin Deir Jarir nën mbrojtjen e ushtrisë dhe policisë izraelite.

Çdo të premte, palestinezët organizojnë tubime kundër vendbanimeve hebraike në disa fshatra dhe qytete të Bregut Perëndimor. Më shumë se 650 mijë kolonë hebrenj aktualisht jetojnë në më shumë se 164 vendbanime të paligjshme dhe në Bregun Perëndimor të okupuar.

Ligji ndërkombëtar ikonsideron Bregun Perëndimor dhe Kudsin Lindor si "territore të okupuara" dhe i konsideron të gjitha veprimtaritë e ndërtimit të vendbanimeve hebraike atje si të paligjshme.