Peskov: Takimi i OPEC-ut shtyhet më 9 prill
Zëdhënësi i Kremlinit, Peskov tha se video-konferenca është shtyrë të enjten për shkak të problemeve teknike
Moskë
Zëdhënësi i Kremlinit, Dmitry Peskov, njoftoi se takimi mes Organizatës së Vendeve Eksportuese të Naftës (OPEC) dhe vendeve prodhuese është shtyrë për më 9 prill, transmeton Anadolu Agency (AA).
Në një prononcim për gazetarët në Moskë, lidhur me tregjet e naftës, Peskov tha se Rusia është e gatshme të bashkëpunojë me vendet e tjera për stabilizimin e tregut të energjisë.
"Për të stabilizuar tregun e naftës, ka nevojë për vende që nuk janë përfshirë më parë në procesin e koordinimit", tha Peskov duke shtuar se në programin e presidentit rus Vladimir Putin nuk ka ndonjë bisedë telefonike me presidentin amerikan Donald Trump dhe qeverinë e Arabisë Saudite.
Ai theksoi se takimi i OPEC-ut që ishte planifikur të mbahej sot, është shtyrë për më 9 prill. Peskov tha se video-konferenca është shtyrë të enjten për shkak të problemeve teknike.
Ministria e Energjisë së Azerbajxhanit njoftoi më parë se takimi mes OPEC-ut dhe disa vendeve prodhuese jashtë OPEC-ut do të mbahej më 6 prill përmes video-konferencës.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.