Bota

PE: Ndaj Maduros duhet të zbatohen sanksione të reja

Parlamenti Evropian ka marrë vendim për zbatimin e sanksioneve të reja ndaj presidentit të Venezuelës, Maduro, të cilin e sheh si përgjegjës për presionin dhe shkeljet e të drejtave të njeriut

Yusuf Özcan  | 18.07.2019 - Përdıtësım : 18.07.2019
PE: Ndaj Maduros duhet të zbatohen sanksione të reja

Strasburg

Parlamenti Evropian (PE) ka marrë vendim për zbatimin e sanksioneve të reja ndaj presidentit të Venezuelës, Nicolas Maduro, të cilin e sheh si përgjegjës për presionin dhe shkeljet e të drejtave të njeriut, transmeton Anadolu Agency (AA).

Asambleja e Përgjithshme e PE-së që u mblodh në Strasburg të Francës ka marrë vendim lidhur me arsyetimin se Maduro është përgjegjës për shkeljet e të drejtave të njeriut dhe presionin në Venezuelë dhe se ndaj tij duhet të zbatohen sanksione të reja. Ky vendim u miratua me 455 vota "pro", 85 vota "kundër" ndërsa 105 deputetë abstenuan.

Gjithashtu në vendim u përsërit mbështetja për kryetarin e Asamblesë Kombëtare të opozitës, Juan Guaido, i cili ka shpallur veten si "presidenti të përkohshëm të shtetit".

Në vendim vihet theksi për ngrirjen aseteve të pasurisë së Maduros, të afërmëve të tij dhe anulimin e vizave të tyre. Më tej thuhet se ofrohet mbështetje për procesin e ndërmjetësimit që Norvegjia bën lidhur me krizën në Venezuelë.

Zhvillimet në Venezuelë

Në Venezuelën e cila prej vitesh po ballafaqohet me një krizë të rëndë ekonomike dhe sociale, tensionet u përshkallëzuan kur Guaido, i cili kryeson Asamblenë Kombëtare të Venezuelës, u vetëshpall si president i përkohshëm më 23 janar, një veprim i cili u mbështet nga SHBA-të dhe shumë vende të Evropës dhe Amerikës Latine.

Guaido dhe Leopoldo Lopez i cili ka shkelur arrestin shtëpiak bashkë me një grup ushtarakësh tentuan të rrëzojnë qeverinë e Maduros duke i bërë thirrje popullit për të dalë në rrugë. Pas kësaj thirrjeje opozitarët dolën në rrugët e shumë qyteteve të vendit ndërsa më pas protestat u shndërruan në akte dhune kryesisht përreth La Carlotas në kryeqytetin e vendit, Karakas.

Në fund të ditës ku edhe mbështetësit e Maduros dolën në rrugë dhe u mblodhën përreth rezidencës Miraflores, Lopez fillimisht u strehua në Ambasadën e Kilit dhe më pas në atë spanjolle ndërsa Guaido u shfaq në një video-mesazh dhe i bëri thirrje popullit sërish të dalë në rrugë.

Si rezultat i hetimeve të iniciuara pas ngjarjeve disa deputetë të AN-së u arrestuan ndërsa të tjerët u strehuan në ambasadat e vendeve evropiane dhe rajonale.


Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.