Pas sulmeve që Izraeli ka ndërmarrë në Gaza, Hamasi kërcënoi se do të kundërpërgjigjet, transmeton Anadolu Agency (AA).

Zëdhënësi i Hamasit, Fawzi Barhoum në një deklaratë me shkrim tha se "Bombardimet e pushtuesit izraelit ndaj pozicioneve të rezistencës janë një shfaqe që qeveria e re e bën për të rregulluar moralin e ushtarëve dhe komandantëve të tij që ndodhen në situatë të keqe për shkak të operacionit ‘Shpata e Kudsit‘".

"Do të kundërpërgjigjemi ndaj çdo marrëzie të Izraelit që ka në objektiv popullin dhe rezistencën e Palestinës", tha Barhoum.

Deklarata e ushtrisë së Izraelit për sulmin

Në anën tjetër ushtria e Izraelit në një deklaratë nga llogaria e saj në Twitter theksoi se "Sulmet në qytetin e Gazës dhe Khan Yunis, janë kryer për shkak të balonave me zjarr që vazhdojnë të dërgohen në anën e Izraelit".

Më tej në deklaratë thuhet se ushtria është përgjegjëse për ato që ndodhin në Rripin e Gazës dhe se do të vazhdohet të vendosen në objektiv strukturat ushtarake të Hamasit.

Ushtria izraelite në orët e mbrëmjes kreu sulme ajrore ndaj pozicioneve të grupeve të rezistencës palestineze në rajonin Beit Lahia në veri të Gazës dhe ndaj qytetit Khan Yunis.

Avionët izraelitë vendosën në objektivin e tyre edhe tokat bujqësore në veri të Gazës.

Ministria e palestineze e Shëndetësisë në Gaza deri më tani nuk ka bërë ndonjë deklaratë nëse ka pasur apo jo ndonjë humbje jete si pasojë e sulmit.