Parlamenti katalonjas njeh të ashtuquajturën administratën autonome të shpallur nga YPG/PKK-ja në Siri
Në Parlamentin e administratës autonome të Katalonjës u miratua projektligji i titulluar "Angazhimi i Katalonjës për rindërtimin e Kurdistanit"
Madrid
Parlamenti i administratës autonome të Katalonjës në lindje të Spanjës ka njohur të ashtuquajturën administratën autonome të shpallur nga organizata terroriste YPG/PKK në verilindje të Sirisë, transmeton Anadolu Agency (AA).
Në Parlamentin e administratës autonome të Katalonjës u miratua projektligji i titulluar "Angazhimi i Katalonjës për rindërtimin e Kurdistanit".
Projektligji i përbashkët që u miratua në një votim në parlament u paraqit nga partitë e koalicionit në pushtet që udhëheqin iniciativat pro-pavarësisë në Katalonjë, nga partitë E majta republikane e Katalonjës (ERC), Së Bashku për Katalonjën (Junts), Kandidatura e Uniteti Popullor (CUP), Së Bashku ne Mundemi (ECP).
Parlamenti i administratës autonome të Katalonjës i cili në njërën prej 4 pikave në projektligj njeh të ashtuquajturën administratën autonome të shpallur nga organizata terroriste YPG/PKK në verilindje të Sirisë, bëri thirrjen që "Institucionet dhe organizatat e shoqërisë civile katalonjase të tregojnë solidarizim dhe të formojnë marrëdhënie institucionale me këtë administratë".