Bota

Parlamenti arab dënon deklaratën Macron-it kundër Algjerisë

Parlamenti në një deklaratë tha se ishte gjithashtu i befasuar nga komentet, të cilat mohojnë hapur të kaluarën koloniale

Gözde Bayar   | 21.10.2021
Parlamenti arab dënon deklaratën Macron-it kundër Algjerisë

Ankara

Parlamenti arab ka dënuar deklaratat e fundit të presidentit francez Emmanuel Macron drejtuar kundër Algjerisë, duke i quajtur ato "të papërgjegjshme dhe të papranueshme", transmeton Anadolu Agency (AA).

Parlamenti në një deklaratë tha se ishte gjithashtu i befasuar nga komentet, të cilat mohojnë hapur të kaluarën koloniale.

Ai dënoi sulmin ndaj historisë së Algjerisë, si një segment i nderuar i historisë së mbarë botës arabe, veçanërisht me trashëgiminë e pasur kulturore të rezistencës, sakrificës dhe luftës për liri.

Parlamenti riafirmoi "mbështetjen për udhëheqjen dhe popullin algjerian kundër çdo abuzimi që prek identitetin e tij, trashëgiminë historike dhe arritjet e shkruara në gjakun e miliona dëshmorëve".

Ai gjithashtu bën thirrje për nevojën e respektimit të parimeve dhe normave ndërkombëtare në drejtim të respektimit të sovranitetit të shteteve dhe mosndërhyrjes në punët e tyre të brendshme.

Algjeria të shtunën lëshoi ​​një deklaratë duke dënuar deklaratat e presidentit francez për të kaluarën koloniale.

Të enjten e kaluar, Macron akuzoi autoritetet algjeriane për nxitje të urrejtjes ndaj Francës.

"A ka ekzistuar komb algjerian para kolonizimit francez? Kjo është tashmë një çështje", tha Macron.

Parlamenti Arab është organi legjislativ i Ligës Arabe.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın