Bota

Palestina ia dorëzon SHBA-së për ekzaminim plumbin që vrau gazetaren Shireen Abu Akleh

Më 11 maj, 51-vjeçarja Abu Akleh, po raportonte për një sulm ushtarak izraelit pranë kampit të refugjatëve Jenin në Bregun Perëndimor të pushtuar, kur u qëllua për vdekje

Ekip   | 03.07.2022
Palestina ia dorëzon SHBA-së për ekzaminim plumbin që vrau gazetaren Shireen Abu Akleh

Ramallah

Autoriteti Palestinez ka njoftuar se ua dorëzoi zyrtarëve amerikanë plumbin që vrau gazetaren e Al Jazeera-s, Shireen Abu Akleh, për të kryer një ekzaminim mjeko-ligjor, transmeton Anadolu Agency (AA).

“Ne kemi rënë dakord që të lejojmë palën amerikane të kryejë një ekzaminim mjeko-ligjor të plumbit që vrau gazetaren Abu Akleh”, tha Prokurori i Përgjithshëm palestinez, Akram al-Khatib, për televizionin Al Jazeera.

Ai tha se plumbi nuk do t'i jepet palës izraelite.

Më 11 maj, 51-vjeçarja Abu Akleh, po raportonte për një sulm ushtarak izraelit pranë kampit të refugjatëve Jenin në Bregun Perëndimor të pushtuar, kur u qëllua për vdekje.

Përderisa zyrtarët palestinezë dhe punëdhënësi i saj Al Jazeera akuzuan Izraelin për vrasjen e gazetares, Tel Aviv mohoi çdo përgjegjësi.

Zyrtarët palestinezë kanë refuzuar një kërkesë izraelite për kryerjen e një hetimi të përbashkët për vdekjen e gazetares.

Më 26 maj, al-Khatib njoftoi se një ekzaminim i trupit të gazetares Abu Akleh konfirmoi se ajo u vra nga një plumb që depërton pajisjet blinduese, të qëlluar drejtpërdrejt në kokën e saj nga një snajper izraelit.

Disa agjenci kryesore mediatike, duke përfshirë Al Jazeera, CNN, Associated Press, Washington Post dhe New York Times, kryen hetimet e tyre, të cilat të gjitha përfunduan që Abu Akleh u vra nga një plumb izraelit.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın