Bota

Nisen 3 anije të tjera nga Ukraina që transportojnë misër

Ministria turke e Mbrojtjes Kombëtare njoftoi se nga Ukraina janë nisur edhe tri anije me flamur të Panamasë, Maltës dhe Türkiye-s që transportojnë misër

Aykut Karadağ   | 05.08.2022
Nisen 3 anije të tjera nga Ukraina që transportojnë misër

Ankara

Ministria turke e Mbrojtjes Kombëtare njoftoi se nga Ukraina janë nisur edhe tri anije me flamur të Panamasë, Maltës dhe Türkiye-s që transportojnë misër, transmeton Anadolu Agency (AA).

Në deklaratën e ministrisë thuhet se nga porti i Odesës është nisur anija "Navistar" me flamur të Panamasë e ngarkuar me 33 mijë tonë misër dhe e cila do të shkojë nga Ukraina në Irlandë. Anija do të inspektohet nga Qendra e Përbashkët e Koordinimit në veri të Istanbulit.

Anija e dytë është nisur nga porti Chernomorsk me 13 mijë tonë misër për në Britani të Madhe. Po ashtu edhe lundrimi i anijes "Rojen" me flamur të Maltës po monitorohet nga Qendra e Përbashkët e Koordinimit.

Anija ma flamur turk "Polarnet" që ndodhej në pritje në portin Chernomorsk të Ukrainës u nis për në rajonin turk Karasu. Anija është ngarkuar me 12 mijë tonë misër dhe para se të mbërrijë në Karasu do t'i nënshtrohet inspektimit nga ekipi i Qendrës së Përbashkët të Koordinimit në veri të Istanbulit.

Bëhet e ditur se nga ekipi i Qendrës së Përbashkët të Koordinimit ka filluar inspektimi për anijen pa ngarkesë "Fulmar S" me flamur të Barbadosit e cila është ankoruar në veri të Istanbulit për të shkuar drejt portit Chernomorsk për t'u ngarkuar me drithë.



Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın