Esin Eşkinat Sayılgan
27 Tetor 2021•Përditësim: 28 Tetor 2021
Rreth 200 garues nga 24 vende morën pjesë të martën në vrapimin në kullën Empire State Building, të sponsorizuar nga Turkish Airlines, raporton Anadolu Agency (AA).
Në garën e parë dhe më të famshme të vrapimit në kullë në botë, vrapuesit ngjitën 1.576 shkallë ose 320 metra lartësi të kullës deri në katin e 86-të, të rrokaqiellit të pestë më të lartë në SHBA në ngjarjen e 43-të vjetore.
Në kategorinë për meshkuj fitoi Wai Ching Soh nga Malajzia me kohën 10 minuta e 46 sekonda ndërsa Cindy Harris nga SHBA-ja ishte fituese në kategorinë për femra me kohën 14 minuta e 1 sekondë.
Fituesve iu dhanë bileta të hapura nga kompania ajrore turke, Turkish Airlines.
Fondacioni i Stambollit për Arsim dhe Solidaritet për Personat me Aftësi të Kufizuara (IZEV) me mbështetjen e Ministrisë së Rinisë dhe Sporteve të Turqisë mori pjesë në garë me dy atletë për të tërhequr vëmendjen për të drejtat e personave me aftësi të kufizuara.
Një nga sportistët që iu bashkua garës si përfaqësues i IZEV ishte 61-vjeçari Kemal Ozdemir, i cili është me aftësi të kufizuara fizike dhe tjetri ishte Mert Onaran, një sportist i përfshirë në projekte të përgjegjësisë sociale.
Kreu i IZEV-it, Hakan Kural tha për AA se ata morën pjesë në garën për sensibilizimin e të drejtave të personave me aftësi të kufizuara.
