Bota

Ndërron jetë ish-kryeministri japonez, Toshiki Kaifu

Pas protestave të Tiananmenit në Pekin në vitin 1989, Kaifu mbahet mend për thyerjen e "izolimit diplomatik" ndaj këtij vendi me vizitën e tij në Kinë në vitin 1991

Ahmet Furkan Mercan   | 14.01.2022
Ndërron jetë ish-kryeministri japonez, Toshiki Kaifu

Tokio

Ka ndërruar jetë në moshën 91-vjeçare ish-kryeministri i Japonisë, Toshiki Kaifu, transmeton Anadolu Agency (AA).

Sipas agjencisë Kyodo, qeveria japoneze njoftoi se ish-kryeministri Kaifu ka humbur jetën.

I lindur në Nagonë Jugore në janar të vitit 1931, Kaifu studioi në Universitetet Chuo dhe Waseda dhe më pas shërbeu si zv/sekretar.

Kaifu, i cili hyri në parlament në vitin 1960 nga krahina Aiçi me Partinë Liberal Demokratike, shërbeu si deputet për 16 mandate.

Politikani japonez u bë kryeministër në vitin 1989 pas detyrës së tij si ministër i Financave dhe Arsimit.

Pas protestave të Tiananmenit në Pekin në vitin 1989, Kaifu mbahet mend për thyerjen e "izolimit diplomatik" ndaj këtij vendi me vizitën e tij në Kinë në vitin 1991.

Dihet se qeveria e ish-kryeministrit Kaifu dha 13 miliardë dollarë mbështetje për forcat e koalicionit në rajon gjatë Luftës së Gjirit të vitit 1991.

Forcat e Vetëmbrojtjes Detare të Japonisë kishin marrë pjesë në aktivitetet e çminimit të pasluftës në Gjirin Persik.

Transmetuesi publik NHK theksoi se ky mision është "misioni i parë jashtë shtetit i një force të Forcave të Vetëmbrojtjes pas themelimit".

Krye-sekretari i kabinetit, Matsuno Hirokazu, shprehu ngushëllimet e tij për ndjekësit e ish-kryeministrit Kaifus, duke thënë se ai ishte "i përkushtuar për të trajtuar shumë probleme në situata komplekse ndërkombëtare, përfshirë Luftën e Gjirit".

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın