Moska: Vendimi i BE-së për sanksione është "dyfytyrësi"
Në një deklaratë me shkrim nga Ministria e Jashtme e Rusisë pretendohet se BE-ja po vepron bashkë me Ukrainën
Foto: AA/Arhiv
Moskë
Rusia e ka vlerësuar si "dyfytyrësi" zbatimin e sanksioneve ndaj 8 zyrtarëve rusë nga Bashkimi Evropian (BE), me arsyetimin për shkeljen e integritetit territorial dhe sovranitetit të Ukrainës, transmeton Anadolu Agency (AA).
Në një deklaratë me shkrim nga Ministria e Jashtme e Rusisë pretendohet se BE-ja po vepron bashkë me Ukrainën.
"Nuk pasqyrojnë të vërtetën pretendimet e BE-së se Rusia përdor forcë pa arsye", thuhet në deklaratë ku rikujtohet se ndaj 8 zyrtarëve rusë është marrë vendim për sanksione me arsyetimin se Rusia ka rritur tensionet duke shkelur të drejtën ndërkombëtare në ngushticën Kerç të Detit Azov.
"Përfshirja e qytetarëve tanë në listën e sanksioneve të BE-së është dyfytyrësi. Ky veprim nuk do të mbetet pa kundërpërgjigje", thuhet në deklaratën e ministrisë.
Lista e sanksioneve të BE-së ndaj Rusisë aktualisht përfshin 170 persona dhe 44 institucione.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=https://www.aa.com.tr/sq/bota/moska-vendimi-i-be-së-për-sanksione-është-dyfytyrësi/1420243&p[images][0]=https://cdnuploads.aa.com.tr/uploads/Contents/2019/03/16/thumbs_b_c_48dcd03ef4599bb28b305255e43a4c40.jpg?v=164036&p[title]=Moska: Vendimi i BE-së për sanksione është "dyfytyrësi"&p[summary]=Në një deklaratë me shkrim nga Ministria e Jashtme e Rusisë pretendohet se BE-ja po vepron bashkë me Ukrainën){kind=link}