Bota, Koronavirusi

Mbretëri e Bashkuar, të gjithë të rriturve deri në fund të janarit do t’u ofrohet vaksina përforcuese

Kryeministri britanik tha se grupmoshat do të ftohen një nga një, duke filluar me të moshuarit dhe më pas duke punuar në grupmoshat tek të rinjtë

Ekip   | 01.12.2021
Mbretëri e Bashkuar, të gjithë të rriturve deri në fund të janarit do t’u ofrohet vaksina përforcuese ( Kate Green - Anadolu Agency )

Londër

Kryeministri britanik, Boris Johnson, ka bërë të ditur se qeveria e tij synon të sigurojë që të gjithë që kualifikohen për një vaksinë përforcuese kundër koronavirusit të ri (COVID-19) të marrin një ofertë deri në fund të janarit të vitit 2022, transmeton Anadolu Agency (AA).

Ky njoftim i fundit dhe vetë konferenca për media e kryeministrit Johnson vijnë në përgjigje të shqetësimeve të shtuara si në Britani ashtu edhe në mbarë botën për llojin e ri të virusit ‘Omicron’.

"Ne do të japim gjithçka në të për t’u siguruar që të gjithëve të kualifikuarve t’u ofrohet një përforcues gjatë vetëm dy muajve. Do të ketë qendra të përkohshme vaksinash që do të shfaqen si pemët e Krishtlindjeve", tha Johnson.

Kryeministri britanik tha se grupmoshat do të ftohen një nga një, duke filluar me të moshuarit dhe më pas duke punuar në grupmoshat tek të rinjtë.

"Tani për tani, mbrojtja jonë më e mirë e vetme kundër ‘Omicron’-it është të vaksinohemi dhe të përmirësohemi", theksoi ai, duke shtuar se ai do të marrë dozën përforcuese gjatë ditës së nesërme.

Të hënën, Komiteti i përbashkët për vaksinimin dhe imunizimin e vendit rekomandoi që vaksinat përforcuese të shtrihen për të gjithë të rriturit dhe që periudha midis dozave të dyta dhe të treta të ulet nga gjashtë muaj në tre.

Johnson foli së bashku me sekretarin britanik të shëndetësisë, Sajid Javid dhe shefen ekzekutive të Shërbimit Shëndetësor Kombëtar (NHS) të Anglisë, Amanda Pritchard.

Tani jemi në gjendje të vendosim programin tonë përforcues dhe të mbrojmë edhe më shumë njerëz, edhe më shpejtë", tha Javid.

Pritchard tha se NHS-ja e Mbretërisë së Bashkuar tani ka mbi 3 mijë vende vaksinimi në mbarë vendin dhe shprehu bindje se vendi do të përmbushë afatin e janarit.

Pak para konferencës për media, Agjencia e Sigurisë Shëndetësore në Mbretërinë e Bashkuar njoftoi se numri i rasteve të konfirmuara me variantin ‘Omicron’ në mbarë vendin është rritur në 22.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.