Bota

Lirohen nga burgjet edhe 100 talebanë tjerë në Afganistan

Zëdhënësi i Këshillit afgan për siguri kombëtare Javid Faisal deklaroi se bëhet fjalë për talebanë nga burgjet në Bagram

Sayed Khodaiberdi Sadat   | 10.04.2020
Lirohen nga burgjet edhe 100 talebanë tjerë në Afganistan

Kabul

Pas lirimit të djeshëm të 100 talebanëve si rezultat i marrëveshjes së arritur mes SHBA-ve dhe talebanëve janë liruar edhe 100 talebanë të burgosur, të cilët kanë qenë në burgjet e Afganistanit, transmeton Anadolu Agency (AA).

Zëdhënësi i Këshillit afgan për siguri kombëtare, Javid Faisal deklaroi se bëhet fjalë për talebanë nga burgjet në Bagram.

Duke përmendur se numri i përgjithshëm i talebanëve arriti në 200, Faisal tha se talebanët janë liruar nga burgu sipas listës në të cilën gjenden të dhënat e militantëve të burgosur.

Ai tha se talebanët e liruar premtuan se më nuk do të luftojnë.

“Marrëveshja historike për vendosjen e paqes në Afganistan” më 29 shkurt në Doha e nënshkruan i dërguari amerikan Zalmay Khalilzad dhe një nga themeluesit e lëvizjes talebane, Mullah Abdul Ghani Baradar.

Paralelisht me këtë, një delegacion i SHBA-ve dhe Qeveria e Afganistanit nënshkruan deklaratë të përbashkët në të cilën thuhet se SHBA-të do të fillojnë të tërheqin forcat e tyre nga Afganistani dhe të ulin numrin e ushtarëve në këtë vend nga 13.000 në 8.600 në afat prej 135 ditëve.

Tërheqja e të gjitha forcave amerikane dhe aleate nga Afganistani parashihet në 14 muajt e ardhshëm, por kjo do të varet nëse lëvizja talebane do të respektojë detyrimet e saj të marra me këtë marrëveshje.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın