Kinë, shkon në 1.114 numri i të vdekurve nga koronavirusi
Autoritetet theksuan se 44.653 raste të konfirmuara janë raportuar, ndërsa vetëm në 24 orët e fundit 97 persona kanë vdekur dhe janë zbuluar më shumë se 2.000 raste të reja
Pekin
Numri i të vdekurve në Kinë që nga shpërthimi i koronavirusit është rritur në 1.114, bëri të ditur Komisioni Kombëtar i Shëndetit në këtë vend, transmeton Anadolu Agency (AA).
Autoritetet theksuan se 44.653 raste të konfirmuara janë raportuar, ndërsa vetëm në 24 orët e fundit 97 persona kanë vdekur dhe janë zbuluar më shumë se 2.000 raste të reja.
Numri i personave nën vëzhgim mjekësor është 187.728 ndërsa numri i atyre që mendohet se janë të infektuar është 16.000.
Numri i të zbuluarve me virus jashtë territorit të Kinës ka arritur në 49 në Hong Kong, një rajon i veçantë administrativ.
Virusi thuhet se është transmetuar tek njerëzit nga kafshët, veçanërisht lakuriqët.
Virusi është përhapur në më shumë se 20 vende të tjera përfshirë SHBA-të, Britaninë e Madhe, Singaporin, Francën, Rusinë, Spanjën dhe Indinë.