Bota, Koronavirusi

Kina nuk raportoi asnjë rast të COVID-19 me origjinë nga vendi në dy ditët e fundit

Në 24 orët e fundit janë konfirmuar 67 raste, ndërsa të gjithë këto raste me burim prej jashtë vendit

Emre Aytekin   | 26.03.2020
Kina nuk raportoi asnjë rast të COVID-19 me origjinë nga vendi në dy ditët e fundit

Ankara

Të gjitha rastet me koronavirus të ri (COVID-19) në Kinë në dy ditët e fundit janë personat që kanë ardhur nga jashtë vendi dhe atje janë infektuar me virusin, njoftoi Komisioni Kombëtar i Shëndetësisë i Kinës, transmeton Anadolu Agency (AA).

Nga komisioni bëjnë të ditur se në vend në 24 orët e fundit janë konfirmuar 67 raste, ndërsa të gjithë këto raste me burim prej jashtë vendit. Komisioni edhe dje njoftoi 47 raste që burojnë nga jashtë vendi.

Në Kinë së fundi më 15 mars, rastet që u konfirmonin brenda vendit ishin më të mëdha se ato me burim prej jashtë.

Të dhënat tregojnë se Kina, që ishte vendi që "eksportonte", epideminë tashmë filloi ta "importojë" atë.

- Provincat ulin nivelet e emergjencës

Vendi kryesisht ka marrë nën kontroll përhapjen e COVID-19 brenda vendit, ndërsa administratat e provincave filluan të ulin nivelet e urgjencës.

Pas provincave Zhejiang në lindje dhe Chongqing në jugperëndim, edhe provincat Sichuan në jugperëndim dhe Heilongjiang në verilindje ulën nivelin e emergjencës prej 2 në 3.

Niveli i alarmit në rajonin autonom ujgur Xinjiang në veriperëndim, që nga 22 marsi është në nivelin 4, niveli më i ulët.

- Në provincën ku u shfaq epidemia jeta kthehet në normale

Nga ana tjetër, në provincën Hubei, ku bën pjesë edhe qyteti Wuhan, vendi nga ku u shfaq epidemia, nuk janë konfirmuar raste të reja ose të dyshuara.

Në Wuhan është ndaluar qasja nga jashtë, jeta u kthye në normale pasi janë hequr kufizimet në trafik dhe rifillimin e transportit urban. Administrata njoftoi se për dy javë gjithashtu do të hiqet kufizimi i udhëtimin në vend nga jashtë.

Nga koronavirusi i ri në Kinë në 24 orët e fundit kanë humbur jetën 6 persona. Në vend deri më tani janë konfirmuar 81.171 raste, ndërsa gjithsej kanë humbur jetën 3.277.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın