Katari bën thirrje për përmbajtje nga tensionet në Ngushticën e Hormuzit
Administrata e Dohas "e shqetësuar" në lidhje me zhvillimet e fundit në rrugën strategjike detare
Doha
Katari të dielën u ka bërë thirrje për përmbajtje të gjitha palëve pas zhvillimeve të fundit në Ngushticën e Hormuzit, transmeton Anadolu Agency (AA).
"Shteti i Katarit thekson nevojën për të ndalur urgjentisht këto ngjarje dhe duke shprehur shqetësim, u bën thirrje të gjitha palëve të ushtrojnë përmbajtje dhe të punojnë drejt një daljeje paqësore", thuhet në kumtesën e Ministrisë së Punëve të Jashtme të Katarit.
Të premten, Irani konfiskoi tankerin britanik Stena Impero në Ngushticën e Hormuzit, një rrugë strategjike detare, një veprim që vjen pas konfiskimit të një tankeri iranian nga britanikët në Gjibraltar, një territor britanik i shtrirë në jug të Spanjës.
Autoritetet iraniane thanë se anija britanike 30.0000 tonëshe u dërgua në Iran për procedura ligjore.
Në lidhje me konfiskimin e tankerit iranian, Londra tha se po dyshonte se po kontrabandonte naftë në Siri, duke shkelur sanksionet e BE-së ndaj regjimit të Bashar al-Assad-it.
Irani kërkoi lirimin e stafit dhe anijes së saj, duke akuzuar Marinën Mbretërore Britanike për pirateri dhe duke iu kërcënuar Londrës me masa reciproke, retorikë e cila po ngrit tensionet mes dy shteteve në rajonin i cili veçse është kapluar nga luftërat dhe me retorikë të ashpër me perëndimin.
- Kuvajti bën thirrje që të përshpejtohen përpjekjet diplomatike
Kuvajti të dielën po ashtu ka shprehur "shqetësim të thellë" në lidhje me përshkallëzimin e tensioneve në rajon.
Sipas agjencisë zyrtare të lajmeve KUNA, Kuvajti i ka bërë thirrje komunitetit ndërkombëtar "për të përshpejtuar përpjekjet diplomatike" për të zbutur tensionet.
Raporti, i cili citon zyrtar anonim të Ministrisë së Jashtme, gjithashtu thekson nevojën për përmbajtje dhe respekt të ligjit ndërkombëtar detar.
Në mënyrë shtesë, Adel Al-Jubeir, ministri i jashtëm i Arabisë Saudite, i bëri thirrje komunitetit ndërkombëtar për të ndërmarrë aksione kundër Iranit pas konfiskimit të anijes britanike.
"Çdo sulm ndaj lirisë së lundrimit është shkelje e ligjit ndërkombëtar", shkroi të dielën Al-Jubeir në rrjetet sociale.
Ai tha se konfiskimi i anijes britanike nga Irani është "krejtësisht i papranueshëm".
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.