Bota

Juncker: SHBA nuk do të vendosë tarifa ndaj automjeteve të BE-së

Brukseli dhe Washingtoni janë në kërkim të përfundimit të një marrëveshjeje tregtare deri në mes të nëntorit për të zbutur situatën

Ekip   | 08.11.2019
Juncker: SHBA nuk do të vendosë tarifa ndaj automjeteve të BE-së

Berlin

Presidenti i Komisionit Evropian në largim, Jean-Claude Juncker, tha se nuk mendon se presidenti amerikan Donald Trump do të vendosë tarifa të reja ndaj automjeteve evropiane, transmeton Anadolu Agency (AA).

Administrata e Trumpit tashmë ka vendosur tarifa që kanë prekur produktet e çelikut, aluminit dhe produkteve bujqësore të Bashkimit Evropian (BE), ndërsa javën e ardhshme pritet të vendosë nëse do të imponojë tarifa për eksportet masive të automjeteve evropiane.

Tarifat e mëparshme tashmë kanë provokuar ndjenjën e hakmarrjes të bllokut tregtar 28 anëtarësh ndërsa tarifat ndaj automjeteve mund të përshkallëzojnë ndjeshëm tensionet.

Brukseli dhe Washingtoni janë në kërkim të përfundimit të një marrëveshjeje tregtare deri në mes të nëntorit për të zbutur situatën.

Juncker të premten për gazetën gjermane "Sueddeutsche Zeitung" tha se: "Trump do të ankohet pak, por ai nuk do të vendosë tarifa për automjetet".

Pa dhënë specifika të tjera, ai tha se "ai nuk do ta bëjë këtë" dhe shtoi se "po flisni me një person plotësisht të informuar".

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın