Bota

Japoni, mbi 12 mijë persona kërkuan ndihmë mjekësore nga temperaturat e larta

Agjencia për luftë kundër zjarreve dhe menaxhim me katastrofat natyrore njoftoi se është ulur numri i rasteve në raport me një javë më herët

Ayşe Doğru   | 14.08.2019
Japoni, mbi 12 mijë persona kërkuan ndihmë mjekësore nga temperaturat e larta

Ankara

Në Japoni, 12.751 persona kanë kërkuar kujdes mjekësor që nga 5 gusht për shkak të sëmundjeve të shkaktuara nga temperaturat e larta të ajrit, transmeton Anadolu Agency (AA).

Agjencia për luftë kundër zjarreve dhe menaxhim me katastrofat natyrore njoftoi se është ulur numri i rasteve në raport me një javë më herët, lajmëron agjencia e lajmeve Kyodo.

Të dhënat e agjencisë tregojnë se prej 5 deri më 11 gusht për shkak të vështirësive shëndetësore të shkaktuara nga rritja e temperaturave, ndihmë mjekësore nëpër spitale kanë kërkuar 12.751 persona. Më shumë se gjysma, përkatësisht 54,9 për qind janë të grupmoshës mbi 65-vjeçar.

Përveç kësaj, 23 persona kanë ndërruar jetë si pasojë e goditjes së të nxehtit.

Gjithashtu, 400 persona përjetuan vështirësi shëndetësore që kërkojnë shtrimin në spital për minimum tre javë, ndërsa 4.554 persona u shëruan pas një qëndrimi të shkurtër në spital.

Në periudhën e lartëpërmendur kohore në shumë pjesë të Japonisë temperatura e ajrit arriti mbi 35 gradë.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın