Bota

Izraeli arreston 17 palestinezë në Bregun Perëndimor

Arrestimet kanë ndodhur në qyetet El-Halil dhe Ramallah të Bregut Perëndimor

Ekip   | 21.01.2021
Izraeli arreston 17 palestinezë në Bregun Perëndimor

Ankara

Forcat izraelite në disa lokacione të Bregut Perëndimor të pushtuar arrestuan 17 palestinezë, transmeton Anadolu Agency (AA).

Në njoftimin e Shoqatës së të burgosurve palestinezë theksohet se arrestimet ndodhën në qytetet El-Halil (Hebron) dhe Ramallah.

Po ashtu u theksua se ish-deputeti palestinez Mohammad Badr ishte midis personave të arrestuar. Dëshmitarët okularë për AA treguan se shumë të rinj palestinezë u përballën me forcat izraelite të cilat hapën zjarr dhe gaz lotsjellës.

Një gazetar palestinez u qëllua me një plumb nga forcat izraelite kur po mbulonte sulmet izraelite, theksuan më tej dëshmitarët.

Forcat izraelite shpesh kryejnë arrestime në Bregun Perëndimor dhe Kudsin Lindor të pushtuar dhe arrestojnë palestinezët me pretendime të ndryshme.

Pas arrestimeve, të cilat janë bërë të përditshme, disa nga palestinezët, përfshirë gra dhe fëmijë, mbahen me ditë të tëra nëpër qendra burgimi.

Sipas të dhënave të burimeve zyrtare palestineze, në burgjet e Izraelit ndodhen mbi 4.400 palestinezë, përfshirë 170 fëmijë dhe 380 të mbajtur nën masën e ashtuquajtur "burgim administrativ".

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın