Në Izrael ka arritur në 72.584 numri i rasteve dhe në 536 numri i vdekjeve si pasojë e koronavirusit të ri (COVID-19), transmeton Anadolu Agency (AA).

Në një deklaratë me shkrim nga Ministria izraelite e Shëndetësisë thuhet se me vdekjen e 7 personave të diagnostikuar me COVID-19 arrin në 536 numri i vdekjeve, ndërsa me 321 rastet e reja arrin në 72.584 numri i rasteve, ndërkohë që 342 persona janë të sëmurë rëndë.

Në Izrael po përjetohet vala e dytë e pandemisë ndërsa po vazhdon të rritet me shpejtësi edhe numri i rasteve aktive të cilat ranë nën 2 mijë në muajin maj.