Irani: EBA do të jetë përgjegjëse për destabilizimin nga prania e Izraelit në rajon
"Administrata e Abu Dabit duhet ta dijë se EBA do të jenë përgjegjës për destabilizimin dhe prishjen e qetësisë me burim nga prania e Izraelit në këtë rajon", tha Khatibzadeh
Stamboll
Zëdhënësi i Ministrisë së Jashtme të Iranit, Saeed Khatibzadeh tha se Emiratet e Bashkuara Arabe (EBA) do të jenë përgjegjës për destabilizimin dhe prishjen e qetësisë nga prania e Izraelit në këtë rajon, transmeton Anadolu Agency (AA).
Sipas medias iraniane, Khatibzadeh në një konferencë për media lidhur me zhvillimet e fundit në rajon foli për hapjen e ambasadës së EBA-së në territoret e pushtuara nga Izraeli. Khatibzadeh tha se Izraeli me këto rrugë po rend pas legjitimitetit.
"Administrata e Abu Dabit duhet ta dijë se EBA do të jenë përgjegjës për destabilizimin dhe prishjen e qetësisë me burim nga prania e Izraelit në këtë rajon", tha Khatibzadeh.
Ambasada e EBA-së në Izrael u hap më 14 korrik në Tel Aviv me një ceremoni ku mori pjesë edhe presidenti izraelit, Isaac Herzog.
Ndërsa ambasada e Izraelit në kryeqytetin Abu Dabi në EBA, hyri në funksion më 29 qershor.
EBA dhe Izraeli nënshkruan marrëveshje për normalizimin e marrëdhënieve në një ceremoni që u mbajt më 15 shtator 2020 në Shtëpinë e Bardhë.