Bota

Iran, jep dorëheqje ndihmësi i lartë i Rouhanit për shkak skandalit të përgjimeve

Presidenti zëvendëson Hesamuddin Ashena-n, i dyshuar për lidhje me rrjedhën e bisedave të ministrit të Jashtëm Zarif

Ekip   | 30.04.2021
Iran, jep dorëheqje ndihmësi i lartë i Rouhanit për shkak skandalit të përgjimeve Foto: AA/Arhiv

Teheran

Ndihmësi i lartë i Presidentit të Iranit Hassan Rouhani ka dhënë dorëheqjen mes reagimeve në rritje për rrjedhjen e diskutueshme të bisedave të ministrit të Jashtëm të vendit, transmeton Anadolu Agency (AA).

Zyra e Rouhanit përmes një deklarate të enjten tha se Hesamuddin Ashena, i cili drejtoi Qendrën për Studime Strategjike, një grup politik me ndikim në zyrën presidenciale, është zëvendësuar me zëdhënësin e qeverisë Ali Rabaie.

Ashena është llogaritur i dyshuari kryesor për rrjedhjen e bisedave të Javad Zarif-it, i cili që nga kjo kohë është zhytur në një krizë të madhe politike si kryediplomati i vendit, ndërsa disa zëra konservatorë kërkojnë largimin e tij.

Rouhani ishte distancuar vet dhe kishte distancuar qeverinë të mërkurën nga deklaratat e Zarif-it dhe u zotua për veprim të ashpër kundër atyre që ndihmuan në publikimin e bisedave në një rrjet të huaj televiziv.

Ashena drejtoi ekipin që regjistroi audion si pjesë e një projekti të klasifikuar të historisë gojore.

Duke cituar Rouhanin, deklarata thekson se kreut të ri të Qendrës për Studime Strategjike do t'i kërkohet të përgatisë raporte dhe plane mbi çështje të politikës së brendshme dhe të jashtme, ekonomike, sociale dhe kulturore.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın