Riyaz Ul Khaliq
27 Maj 2021•Përditësim: 27 Maj 2021
India e ka falënderuar Turqinë për dërgimin e ndihmës mjekësore derisa ky vend lufton me një valë vdekjeprurëse të pandemisë së koronavirusit të ri (COVID-19), me 16 milion raste të regjistruara deri më tani, transmeton Anadolu Agency (AA).
"E vlerësojmë këtë gjest solidariteti nga Qeveria e Turqisë", tha Arindam Bagchi, zëdhënësi i Ministrisë së Punëve të Jashtme të Indisë.
Dy avionë ushtarakë turq të martën bënë furnizime mjekësore në Indi nga Ankaraja.
Ndihma përfshinte 630 tuba oksigjeni, pesë gjeneratorë oksigjeni, 50 ventilator dhe 50,000 kuti ilaçesh.
"Falënderojmë Shoqatën Turke të Gjysmëhënës së Kuqe për ngarkesën e pajisjeve mjekësore që arritën sot", tha Arindam dje.
Sanjay Panda, ambasadori i Indisë në Turqi, në një postim në twitter tha se pajisjet mjekësore ishin "kritike".
"Faleminderit, Turqi, që ishe këtu për Indinë gjatë këtyre kohërave sfiduese", tha ai.
Ibrahim Kalin, zëdhënësi presidencial i Turqisë, tha se Turqia mbështet komunitetet në të gjithë botën në luftën e tyre kundër pandemisë së koronavirusit.
"Jemi krenarë që qëndrojmë me popullin e Indisë në këto kohëra të vështira", tha ai.
Ibrahim Altan, kreu i Gjysmëhënës së Kuqe Turke, tha se ata i dërguan ndihmat me urdhër të presidentit Recep Tayyip Erdogan.
Të dy vendet mburren me rreth 8 miliard dollarë tregti vjetore.
India është ndër vendet e goditura më keq nga COVID-19, menjëherë pas SHBA-ve.
India, një vend me 1.3 miliardë, ka raportuar mbi 3.4 milion vdekje për shkak të shpërthimit të koronavirusit që nga dhjetori i vitit 2019.
