Është rritur në 62 numri i personave që kanë humbur jetën në përmbytjet në rajonet Assam në verilindje të Indisë, transmeton Anadolu Agency (AA).

Zyrtarët kanë bërë të ditur se është rritur në 62 numri i njerëzve që kanë humbur jetën pasi 8 persona kanë vdekur si pasojë e reshjeve intensive që vazhdojnë prej javësh duke shkaktuar përmbytjen e Lumit Brahmaputra i cili është në prej lumenjve më të mëdhenj të Azisë.

Autoriteti i Menaxhimit të Fatkeqësive të rajonit Assam (ASDMA) njoftoi se 32 nga 35 zona të rajonit kanë mbetur nën ujë.

Theksohet se 4 persona janë zhdukur pasi një anije është përmbytur me 9 persona në bord rreth 500 kilometra në lindje të Gauhati, kryeqytetit të rajonit.

Zyrtarët e policisë theksuan se vazhdojnë punimet e kërkimeve por që rrymat e fuqishme pengojnë këto punime.

Ndërkohë bëhet e ditur se 108.104 njerëz nga rreth 3 mijë zona të prekura nga përmbytjet në Assam janë strehuar në kampet e ndihmës.

Kryeministri i Indisë, Narendra Modi deklaroi se ka biseduar me kryeministrin e rajonit Assam, Himanta Biswa Sarma. "Lutem për sigurinë dhe mirëqenien e popullatës së Assamit të prekur nga përmbytjet", ka thënë Modi.