Bota, Shëndetësi

Indi, 22 pacientë me COVID-19 humbin jetën në spital nga rrjedha e oksigjenit

Incidenti ndodhi sot në Spitalin Zakir Hussain në Nashik, një qytet në shtetin perëndimor më të prekur të shtetit Maharashtra, kur një cisternë oksigjeni po rimbushte një rezervuar magazinimi

Ekip  | 21.04.2021 - Përdıtësım : 22.04.2021
Indi, 22 pacientë me COVID-19 humbin jetën në spital nga rrjedha e oksigjenit

Delhi

Së paku 22 pacientë me COVID-19 kanë humbur jetën në një spital në Indi si pasojë e humbjes së oksigjenit shkaku i një rrjedhjeje, raporton Anadolu Agency (AA).

Incidenti ndodhi sot në Spitalin Zakir Hussain në Nashik, një qytet në shtetin perëndimor më të prekur të shtetit Maharashtra, kur një cisternë oksigjeni po rimbushte një rezervuar magazinimi.

Suraj Mandhare, një zyrtar i lartë qeveritar, u tha gazetarëve se po zhvillohet një hetim për të zbuluar se si ndodhi aksidenti.

Objekti mjekësor thuhet të jetë një spital i dedikuar për COVID-19 ku qindra pacientë ishin në ventilator.

Mes një rritje të infeksioneve të përditshme të koronavirusit, mbi 200.000 të regjistruara në ditë që nga 15 prilli, spitalet në të gjithë vendin po luftojnë për të mbajtur furnizimin me oksigjen. Po ashtu ka pasur mungesë të shtretërve dhe ilaçeve të tilla si remdesivir.

Me një rekord prej 295.041 raste të reja dhe 2.023 vdekje në 24 orët e fundit, numri i përgjithshëm i rasteve në Indi është rritur në 15.6 milion dhe numri i viktimave në 182.553.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın