Dëbimi i planifikuar i palestinezëve nga Sheikh Jarrah, në Kudsin Lindor të okupuar, konfirmon realitetin e aparteidit me të cilin përballen miliona palestinezë, tha organizata Human Rights Watch, raporton Anadolu Agency (AA).

Omar Shakir, drejtor i Departamentit të HRW-së për Izraelin dhe Palestinën, shkroi në Twitter se kishte tensione të konsiderueshme dhe shkelje të të drejtave të njeriut në Izrael dhe Palestinë.

Ai shtoi se ata po monitorojnë dëbimet e kryera nga autoritetet izraelite në vendbanimin Sheikh Jarrah.

"Operacionet e planifikuara të dëbimit nga Sheikh Jarrah konfirmojnë realitetin se miliona palestinezë janë të ekspozuar ndaj aparteidit", theksoi Shakir.

Ai shtoi se autoritetet izraelite duke iu referuar ligjit i cili mundëson që hebrenjët të marrin shtëpitë palestineze, këmbëngulin të dëbojnë palestinezët në Sheikh Jarrah.

Një zyrtar i HRW-së gjithashtu komentoi mbi përdorimin e tepruar të forcës nga forcat pushtuese kundër protestuesve palestinezë në dhe rreth Al-Aksës.

Ai gjithashtu shprehu shqetësimin se shumë palestinezë janë vrarë.

Zyrtari i organizatës bëri thirrje për t'i dhënë fund praktikës së mosndëshkimit për shkelje serioze të të drejtave të njeriut dhe për një hetim dhe ndjekje penale të atyre që janë përgjegjës.