Greva në Gjermani, linjat ajrore detyrohet të anulojnë fluturimet në Mynih

Aksioni i grevës ka detyruar aeroportin gjerman të Mynihut të anulojë të gjitha fluturimet e rregullta të planifikuar për të dielën dhe të hënën, transmeton Anadolu.

"Të dielën, më 26 mars dhe të hënën, më 27 mars, nuk do të ketë trafik të rregullt pasagjerësh në Aeroportin e Mynihut për shkak të grevës gjithë ditore", thuhet në njoftimin e autoritetit të aeroportit.

Pasagjerëve që rezervuan fluturim në këto ditë iu kërkua të kontaktojnë kompaninë e tyre ajrore ose operatorin turistik dhe të përmbahen nga udhëtimi në aeroport.

Dje, sindikatat gjermane njoftuan një grevë mbarëkombëtare të transportit për të hënën për shkak të një mosmarrëveshjeje në rritje mbi pagat dhe kushtet e punës. Sipas sindikatës ‘ver.di’, punonjësit në aeroportet kryesore do të ndalojnë punën për 24 orë.

Aeroporti i Frankfurtit, një qendër kryesore ndërkombëtare, gjithashtu njoftoi se greva pritet të shkaktojë ndërprerje të mëdha të hënën.

"Operacionet në Aeroportin e Frankfurtit do të ndërpriten rëndë gjatë gjithë ditës më 27 mars. Pasagjerët këshillohen të përmbahen nga udhëtimi në aeroport", tha operatori i aeroportit në një njoftim.

Sindikata ‘ver.di’ filloi një sërë grevash këtë muaj pasi raundi i dytë i negociatave kolektive me qeverinë dhe autoritetet lokale përfundoi pa marrëveshje.

Sindikata, e cila përfaqëson rreth 2,5 milionë punonjës të sektorit publik, kërkon rritje të pagave për 10,5 për qind dhe jo më pak se 500 euro në mes të inflacionit në rritje dhe krizës së kostos së jetesës.

Një raund i ri negociatash pritet të fillojë javën e ardhshme.